《讀者投稿》
想分享一下自己既極品奶奶。
奶奶做高層，唔知係咪平時工作處事方式，就係佢講就岩，唔識聽人講。仲要咩都聽哂佢講既野。
假如平時我老公唔係屋企，就發脾氣，比面色我睇，有次就因為我囡囡著少件外套，就專登走上黎攞外套，大力關衣櫃門，大力關大門。
我懷孕唔舒服，流緊啡，我都已經忍，唔出聲，亦冇同老公講，我老公個邊就本身係一個大家族，平時好多家族聚會，就一定要我攞假去參加，但我返既係銷售行業工作，有時攞假都要提前一個月攞，但奶奶係聚會前一個星期通知我。當我出席唔到，又會有說話聽。
工人最近明顯因為我懷孕，而做事求求其其，再加上工人唔乾淨，令我囡囡下體痕癢，囡囡自己R損哂，工人換片片時又唔抹乾淨，我忍唔住話工人，工人扮嘢同老爺奶奶講辭職。佢地就因為覺得係我太嚴格，而比面色同說話我聽。
我今日終於忍唔到，同老公講，我唔會再忍老爺奶奶，我嫁入黎唔係受氣同睇人面色去生活，再係到我會忍唔到同奶奶開波。
＃我的極品四大長老
Search